snowwhite VIP
عدد المساهمات : 306 تاريخ التسجيل : 16/07/2010
| موضوع: قالى الوداع قلتلة قشطة يامان الجمعة 10 سبتمبر 2010, 7:29 pm | |
| *بعد ماعرفوا بعض بأسبوعين......
هو: أنا عايز اقولك على سر شلته فى قلبى سنين هى: قول مالك؟ هو: أنا بحبك وانتى عمرى وبحلم بيكى كل ليلة 7 مرات ونص وبصحى على صوتك ياحياتى هى: وأنا كمان ياحبيبى بحبك بقالى 3 شهور و5تيام و6ساعات وربع هو: صحيح؟ يااااااااااه ...ده احلى يوم فى حياتى هى: وأنا كمان..بس هنعمل ايه؟ واهلى واهلك والدنيا والناس؟ هو: هحبك وتحبينى ياعمرى وكفاية نبقى سوا هى: طب ياحبيبى أنا بقول كده برضه بس مانطولش فى الحكاية ماشى؟
*فاتت سنة غرام وهيام وأحلى كلام.........
هى: احنا هنفضل كده كتير ياحبيبى واهلينا مايعرفوش؟ هو: ليه ياحبيبتى أنا بسش اظبط نفسى فى الشغل واجى اتقدملك على طوووووووول هى: امتى بقى يحصل ده؟....يااااه ده أنا هبقى أحلى كركوبة فى الدنيا هو: قريب ياحبيبتى قريب كلها 12 سنه بالكتير
*فاتت كمان سنة وهو ولا هنا وهى هتطق من الغيظ......
هى: حبيبى الحكاية طولت اوى احنا هنفضل كده كتير؟ -تعبت قلبى الله يحرقك- هو: كده ازاى ياحبيبتى؟ مااحنا اشطه اهو وآخر تمام هى: تمام ايه وهمام ايه؟ هو احنا هنفضل تحت شجرة الجرجير ومقضيينها عصير لمون؟ هو: تقصدى ايه ياروحى؟ اصبرى بكره يبقى عندنا بيت وأولاد هى: ده عند أمه ياادهم ... أنا متقدملى عريس كويس وإذا مالحقتنيش هيخطفونى منك هو: لاااااااااا ده أنا كنت ارمى نفسى من فوق المكتب الى فى الشغل...ده انا كنت اقطع شرايينى هى: لأ انا مش عايزاك تعمل كده أنا هكلم بابا وماما وانت تاخد خطوة بقى
*أسبوع...اتنين...تلاته.تليفونه غير متاح...مابيردش ....وأما رد....
هى: انت فين مش لاقياك؟ هو: معلش تليفونى كان فاصل شحن وكنت بشحنه هى: بقاله شهر فاصل شحن وبتشحنه؟! ليه انت كنت بتشحنه غاز؟ هو: خلصنا بقى..قصرى ..خير؟ هى: وهييجى منين الخير ياروحى وانت مانفذتش اللى اتفقنا عليه؟ هو: هو احنا اتفقنا على حاجه؟! هى: نعم ياروح أمك؟ امال تقطيع شرايينك واوردتك وشرب مية النار ده كان ليه؟ هو: كنت مجنون وعقلت ياروحى..وخطبت البت ماهيتاب بنت عمى الجمعة اللى فاتت الساعة اتناشر وخمسه الضهر هى: ياواطى ياندل....ماهيتاب؟!!!! طب وأنا؟ هو: ماتغلطيش بس وانسى الجرجير واللمون...انتى مش فاهمه حاجة هى: انسى؟ ده اخر كلام عندك؟..اصلى مش ناوية افهم هو: اه ياروحى...بس صدقينى انتى أكتر حاجة حبيتها فى حياتى حتى اكتر من المكرونه البشاميل...لكن أهلى قالولى إما ماهيتاب أو الطرد من البيت هى: اوك..اشطه يامان...سى يو...باى
الخلاصة
- مابنى على باطل فهو باطل - كلمة بحبك بقت اسهل كلمة بتتقال واسهل كلمة بتتنسى هو دة بقى اغلب حالات الحب فى حياتناعلشان كدة الحب معانيه ضاعت وبقت محروقة دة اللى بخلى لو فى حب حقيقى يموتوأكيد انتو فهمين قصدى يا رب يعجبكمsnowwhite14 | |
|
سندريلا VIP
عدد المساهمات : 256 تاريخ الميلاد : 16/08/1989 تاريخ التسجيل : 09/07/2010 الموقع : قلب حبيبى
| موضوع: رد: قالى الوداع قلتلة قشطة يامان الأحد 12 سبتمبر 2010, 11:04 pm | |
| تسلمى موضوع جميل | |
|
snowwhite VIP
عدد المساهمات : 306 تاريخ التسجيل : 16/07/2010
| موضوع: رد: قالى الوداع قلتلة قشطة يامان الإثنين 13 سبتمبر 2010, 12:58 am | |
| قريتية يا سندريلا ولا.................. | |
|
ميوسة الكتكوتة الشامية عضو مكافح
عدد المساهمات : 28 تاريخ الميلاد : 07/07/1989 تاريخ التسجيل : 25/08/2010
| موضوع: رد: قالى الوداع قلتلة قشطة يامان الأربعاء 22 سبتمبر 2010, 7:02 pm | |
| عنجد حكاية حلوة وموضوع حلو كتير شكرا يا سنوايت | |
|
snowwhite VIP
عدد المساهمات : 306 تاريخ التسجيل : 16/07/2010
| موضوع: رد: قالى الوداع قلتلة قشطة يامان الأربعاء 22 سبتمبر 2010, 9:22 pm | |
| شكرا على مروركوا يا جماعة بجد نورتونا snowwhite14 | |
|
شاهى200 مشرفه قسم همسات .. ولكن؟!!
عدد المساهمات : 318 تاريخ الميلاد : 02/05/1993 تاريخ التسجيل : 25/07/2010 الموقع : http://shahd.alafdal.net
| موضوع: رد: قالى الوداع قلتلة قشطة يامان السبت 02 أكتوبر 2010, 11:55 pm | |
| | |
|