[center]كل سنه بتدخل رمضان بقلب جامد وتقول هعمل واسوى وكل سنه تقول السنه دى غير كل سنه
انا السنه دى هكسر الدنيا و....... ايه رايك بقى ان انت السنه ديه هتكسر الدنيا بجد
وهتعمل اللى مكنتش قادر تعمله كل سنه كل سنه بتقول هاختم القرأن وتقف عند جزء معين منه
وتنشغل وتتأخر بره وتخرج مع اصحابك والمحصله انك مبتختمش القرأن الا على الحركرك
واللى بيشد حيله اوى يدوب بيختمه مره واحده السنه ديه بقى هنبص للموضوع من منظور مختلف و هنختم القرأن كله
ان شاء الله
تعالوا مع بعض اوريكوا الموضوع بسيط جدا اد ايه شوف يا سيدى ...المصحف 600 صفحه ...صح ..تعالى نكمل بقه المصحف 600 صفحه على 30 يوم بكام ؟؟ يا عم متعقدهاش
الحسبه ابسط من كده 600 / 30=20 صفحة شفت سهله ازاى طيب يعنى فى اليوم 20 صفحه واحنا عندنا 5 صلوات فى اليوم يبقى 20 / 5 مظبوط ايوه كده 4 صفحات يبقى انت لو قريت 4 صفحات بعد كل صلاه يبقى فى اليوم هتخلص 20 صفحه يعنى فى الشهر هتخلص القرأن مستريح اوى عايزين نصيحتى خاليهم 30 فى اليوم علشان لو جيت انشغلت فى يوم من الايام يتعوض فى يوم تانى طيب الثواب اللي هاتخدوا اد ايه ؟؟ احسب كده معايا المصحف 30 جزء الجزء تقريبا فيه 7000 حرف والحرف ب10 وعلشان رمضان هنضرب في 70 يبقى كام ؟؟ 30*7000*10*70 = 147 مليون حسنة ..
شوفتوا بقى ربنا كريم ازاى حرام نضيع الحسنات دى مين ادينا